හඳ දැකීම හා උපවාසය ඇරඹීම
මුස්ලීම් සමාජයට කාලීන මාතෘතාවක් වන ‘හඳ දැකීම හා රමලාන් මාසයේ උදාව‘ යන කාරණය වෙත අවධානය යොමු කිරීමට අදහස් කරමි.
මෙම ලිපියේ මුඛ්ය අරමුණ වන “රමලාන් මාසය උදාව ඉස්ලාමීය ක්රමයට නිර්ණය කරන්නේ කෙසේද?“ යන කාරණය වෙත අවධානය යොමු කලේනම්, එහි මුස්ලීම් සමාජය තුල කිසියම් ආකාරයේ මතභේදයන් ඇත. එම කාරණයට යොමු වීමට ප්රථම සදහන් කලයුතු කාරණයක් ඇත. එනම් මුස්ලීම් සමාජයට මතභේදයක් පවතින්නේ රමලාන් මාසය ආරම්භ කිරීම සම්බන්ධයෙන් හෝ මාසය ආරම්භ කලයුත්තේ හඳ පදනම් කරගෙනද? යන කාරණයේ නොවේ. සමස්ථ මුස්ලීම් සමාජයම චන්ද්ර මාස ක්රමය ඒකමතිකව අනුමත කරයි. ඒ අනුව ඉස්ලාමීය ක්රමයට 9 වන මාසය වන “රමලාන්“ (උපවාසය රකින) මාසයත් චන්ද්ර මාසය අනුවම තමා නිර්ණය වියයුත්තේ යන්නෙහි විරුද්ධ මතයක් මුස්ලීම් සමාජයේ නැත. මතභේදය ඇත්තේ මෙම චන්ද්ර මාසය නිර්ණය කරන්නේ කෙසේද? යන කාරණයේදීය. එනම්,
1 මාසයේ මුල (චන්ද්රයාගේ පිහිටීම) ගණනය කිරීම මඟින් හදුනා ගතයුතුයි,
2 ලොව කුමන රටක මුල් හඳ දුටුව ද එය මුළු ලොවටම පොදු වියයුතුයි,
3 කිසියම් රටක දකින මුල් හඳ එම රටට පමණක් සීමා වියයුතුයි,
4 (එකම රට තුල පවා) කිසියම් ප්රදේශයක දකින හඳ එම ප්රදේශයට පමණක් වලංගු වියයුතුයි.
ඉහත ප්රධාන මතවාද 04 ට අමතරව තවත් අනු වාදයන් ද මුස්ලීම් සමාජය තුල සුළු වශයෙන් දක්නට ඇත. කෙසේ වෙතත් නිවරුදි ඉස්ලාමීය ඉගෙන්වීම කුමක්ද? යන්න පැහැදිලිව හදුනාගැනීම තුල ඉහත මතවාදයන් හා දුර්මතයන් මෙන්ම මෙහි සදහන් නොවූ අනිකුත් මතවාදයන් සියල්ල අවලංගු වී යනු ඇත. ඒ අනුව ඉස්ලාමීය මාසය ආරම්භ කිරීමේ දී ඉස්ලාම් පෙන්වාදෙන ආදර්ශය කුමක්ද? යන කාරණය වෙත අවධානය යොමු කිරීමේදී එය ඉස්ලාමීය මූලාශ්රයන් හෙවත් දිව්යමය මඟපෙන්වීමට යටත් වියයුතු යන්න මූලික අවශ්යතාවයයි. එනම් “ඉස්ලාම්“ යයි පැවසෙන කාරණය දිව්යමය වදන් වන ශුද්ධ වූ කුර්ආනයේ (හෝ/හා) හදීසයේ සදහන් වී තිබීම අත්යඅවශ්ය වේ. ඒ අනුව ඉස්ලාමීය ආදර්ශය විමසා බැලුවේ නම්,
රමලාන් මාසය (උපවාසය) ආරම්භ කිරීම හා අවසන් කීරීම සම්බන්ධයෙන් මුස්ලීම්වරයෙකු අනුගමනය කලයුතු ක්රියාමාර්ගය පහත හදීසයන් තුලින් නබිතුමාණන් ඉතා පැහැදිලි ලෙස මෙසේ පවසයි. එනම්,
“රමලාන් හඳ දකිනා තුරු නුඔලා උපවාසය නොඅරභන්න හඳ දකිනා තුරු උපවාසය අත්නොහරින්න නුඔලාට, වලාකුළු හේතුවෙන් (එදින) හඳ නොපෙනුනේ නම් (මාසය දින 30 සේ) පූර්ණය කරගන්න“
මූලාශ්ර ග්රන්ථය : බුහාරී
“රමලාන් හඳ දකිනා තුරු නුඔලා උපවාසය නොඅරභන්න හද දකිනා තුරු උපවාසය අත්නොහරින්න නුඔලාට වලාකුළු නිසා එදා හඳ නොපෙනුනේ නම් එම මාසය දින 30 ලෙස සලකන්න. එසේත් නැත්නම් (හඳ දුටු බවට) සාක්ෂි 02 ලැබුනේ නම් ඒ අනුව ක්රියා කරන්න“
මූලාශ්ර ග්රන්ථය - නසායි
ඉහත හදීසයන් 02 දෙස බැලීමේදී මා ඉහතින් සදහන් කලාසේ නව හඳ බැලීම සෑම මුස්ලීම්වරයෙකුට අනිවාර්ය බව පැහැදිලිය. එසේම හඳ දැකීමෙන් හෝ (හඳ නොදුටු නිසා) ගෙවීයන මාසය දින 30ක් ලෙස පුර්ණ කිරීමෙන් පසුව තමා නව මාසය ආරම්භ කලයුතු වන්නේ යන්නත් පැහැදිලිය. එසේම සමස්ථ මුස්ලීම් සමාජයටම නව හඳ බැලීම අනිවාර්ය වුවත් තමන් නොදුටු හඳ වෙනත් කවුරුන් හෝ දැක එම සාක්ෂි ලැබුණේ නම් එය පිලිගතයුතු යන්නත් ඉහත දෙවන හදීසය අනුව පැහැදිලිය. ඒ අනුව හඳ නොදුටුවත් හද දුටුවන් දෙදෙනෙකුගේ සාක්ෂි පදනම් කරගෙන උපවාසය ආරම්භකල හැකි බවද ඉහත හදීසයෙන් පැහැදිලිවේ. එසේ නම් සියළු දෙනාටම හද බැලීම අනිවාර්ය වුවත් දෙදෙනෙකු එම හඳ දුටුවේ නම් උපවාසය ආරම්භ කිරීමට එය ප්රමාණවත් බව ද මින් තහවුරුවේ. ඉහත එම හදිසය සම්බන්ධයෙන් අදහස් දක්වන ඉස්ලාමීය විද්වතෙකු වන ඉබුනුතයිමියා (රහ්) තුමා “හඳ බැලීම සෑම කෙනෙකුටම කල නියෝගයක් නොවේ. එය ‘ෆර්ලු කිෆායා‘ වේ“ යනුවෙන් පවසයි. මේ අනුව ඉස්ලාමීය ක්රමයට නව මාසයක් අරඹීමට නව හඳ දැකීම යන්න සෑම කෙනෙකුටම අනිවාර්ය අවශ්යතාවයක් නොවන බවත්, සාක්ෂිමත පදනම්ව නව මාසය ඇරඹිය හැකි බවත්, බේරුවල "කාදිරිය්යතුල් නබවියියා" සමාජය මෙන් ගණනය කිරීමන්ට එහි ඉඩ නොමැති බවත් පැහැදිලි වේ
සැ: යූ: - මේ විෂය පිලිබදව මුස්ලිම් සමාජයේ පවතින විද්වත් මතවාදයන් comments හෝ ලිපි ලෙස http://www.msfasly.blogspot.com/ වෙත (විද්යුත් තැපෑලෙන් එවීමෙන්) අදහස් පලකරන්නේ නම්, එම මතවාදයන් සංවාදයට බදුන් කිරීමට මා සූදානම්.
No comments:
Post a Comment